काठमाडौं। नेपालका लागि सुजुकी गाडीको आधिकारिक बिक्रेता सीजी मोटोकर्पले साउन १८ गतेदेखि ‘मनसुन फ्री सर्भिस क्याम्प’ सुरू गर्ने भएको छ।

श्रावण १८ देखि २० गतेसम्म चल्ने यो क्याम्प देशभरका सबै सुजुकी सर्भिस सेन्टरमा एकैसाथ सञ्चालन हुनेछ।

वर्षायाममा लगातारको पानीका कारण सवारी साधनमा विभिन्न समस्या देखिन सक्ने र समयमै ध्यान नदिँदा गाडीमा दीर्घकालीन असर पर्न सक्ने जोखिमलाई मध्यनजर गर्दै यो क्याम्प आयोजना गरिएको कम्पनीले जनाएको छ।

ग्राहकको सुरक्षालाई प्राथमिकतामा राख्दै सञ्चालन गरिएको यस क्याम्पमा गाडीको निःशुल्क जाँच, मर्मत सेवामा विशेष छुट, र विशेषज्ञद्वारा गाडीको हेरचाहसम्बन्धी सल्लाह-सुझाव प्रदान गरिनेछ।

सर्भिस क्याम्प अवधिभर सुजुकीका ग्राहकले आफ्नो गाडीको सर्भिसिङमा आकर्षक छुट र अन्य अफरहरू प्राप्त गर्न सक्नेछन्। यसका साथै, क्याम्पमा सहभागीमध्ये ३ जना भाग्यमानी ग्राहकले आकर्षक सर्भिस प्याकेज जित्ने अवसर पाउनेछन्।

क्याम्पमा एसी/हिटर, ब्याट्री र गाडीको ओभरअल चेकअप पूर्ण रूपमा निःशुल्क परीक्षण, सडीटी डायग्नोसिस र ह्विल एलाइनमेन्टमा ५० प्रतिशतसम्म छुट, लेबर चार्जमा २० प्रतिशतसम्म छुट र स्पेयर पार्टस् र इन्जिन आयलमा १० प्रतिशतसम्म छुट उपलब्ध हुने कम्पनीले जनाएको छ।

कम्पनीले आफ्ना सबै सुजुकी ग्राहकहरूलाई यो अवसरको लाभ उठाउन र वर्षायाममा आफ्नो सवारीलाई उत्कृष्ट अवस्थामा राख्न आग्रह गरेको छ। सुजुकीले नेपालकै ठूलो सर्भिस सञ्जालमार्फत सेवा दिँदै आएको छ, जसअन्तर्गत देशभर ५४ वटा सर्भिस आउटलेटहरू रहेका छन्।