काठमाडौं । नेपाली कांग्रेसका महामन्त्री गगन थापाले तीन दलका प्रमुख नेताहरूलाई बिदाइ गर्नुपर्ने प्रस्ताव अघि सारेका छन् । आइतबार एक भिडियो सन्देशमार्फत उनले संवादको नयाँ वातावरण प्रारम्भ गर्न आग्रह गरेका छन् ।

‘तीन दलका तीन प्रमुख नेतालाई बिदाइ गरौं, संवादको नयाँ वातावरण प्रारम्भ गरौं,’ महामन्त्री थापाले भनेका छन् ।

महामन्त्री थापाले आवश्यक परेमा आफूहरू पनि बाहिरिन तयार रहेको स्पष्ट पारेका छन्। उनले सरकार र जेन–जीलाई चुनावको वातावरण बनाउन आग्रह गरेका छन् ।

‘हारौँला केही फरक पर्दैन । को जित्ने को हार्ने ? संविधान संशोधनको लागि काम गर्नुपर्छ,’ उनले भनेका छन् ।