काठमाडौँ । हमासको कब्जामा रहेका नेपाली विद्यार्थी विपिन जोशी जीवित नरहेको इजरायली सेनाले जानकारी दिएको छ।

इजरायली सेनाले इजरायलका लागि नेपालका राजदूत धनप्रसाद पण्डित र विपीनको परिवारलाई भिडियो कन्फ्रेन्समार्फत विपीन जीवित नरहेको जानकारी गराएको हो ।

हमास समूहले जोशीलाई किबुज आलुमिमबाट ०८० असोज २३ मा अपहरण गरेको थियो। उनी सोही वर्ष मंसिरसम्म जीवित रहेको भिडयो सार्वजनिक भएको थियो। हमास समूहले आज उसको कब्जामा रहेका २० जनालाई इजरायलसमक्ष हस्तान्तरण गर्दैछ।