काठमाडौँ । बैतडीमा जिप दुर्घटनामा मृत्यु हुनेको सङ्ख्या चार पुगेको छ। दुर्घटनामा अन्य ६ जना घाइते भएका छन्। घाइतेमध्ये दुई जनाको अवस्था गम्भीर रहेको बताइएको छ।

सोमबार करिब १० बजे पाटन नगरपालिका-८ विजयपुर नजिकै झैलेक भिरमा सुर्नया गाउँपालिका-६ को मोतिनगरबाट डडेल्धुरातर्फ आउँदै गरेको म १ ज २२४ नम्बरको जिप दुर्घटनामा परेको हो ।

बोलेरो जिप अनियन्त्रित भएर सडकबाट ३०० मिटर तल खसेको थियो । दुर्घटनामा परेर तीन जनाको घटनास्थलमै मृत्यु भएको थियो। थप एक जनाको उपचारको क्रममा मृत्यु भएको जिल्ला प्रहरी कार्यालय बैतडीले जनाएको छ । 

मृत्यु हुनेमा सिगास गाउँपालिका-१ का २४ वर्षीय निसान्त बोहरा, २८ वर्षीय भानदेव भट्ट, २७ वर्षीय वसन्ती ऐर र डडेलधुराको आलीताल गाउँपालिका-३ का १३ वर्षीय बालक राकेश रावल रहेका छन्।