काठमाडाैं । राष्ट्रिय स्वतन्त्र पार्टी रास्वपाका सभापति रवि लामिछानेले पुराना दलहरूले गठबन्धन गरे पनि अहिलेको सुनामी रोक्न नसक्ने चेतावनी दिएका छन् ।

मंगलबार सामाजिक सञ्जालमा एक स्टाटस लेख्दै रविले परिवर्तन चाहने जनताको चाहनालाई अब कसैले रोक्न नसक्ने पनि बताएका छन् ।

जनविद्रोहले उखेलेर फालेको पुरानाे संसद षड्यन्त्रपूर्ण ढंगले फर्काउने कुनै पनि चलखेल, दबाब र धम्की भने नस्वीकार्ने उनले स्पष्ट पारेका छन् ।

रविले लेखेका छन्, ‘गिद्धले सिनो लुछेजस्तै लुछिएको यो देश अन्तिम सुनामीको तयारीमा छ । मेरो खुला आग्रह छ- अझै पनि जो–जो मिल्नु छ, मिल । खुला मिल वा गोप्य मिल, जस्तो र जसको गठबन्धन गर्नुपर्ने हो, गर । अन्तिम शक्ति लगाऊ र यो सुनामी रोकेर देखाऊ, हामी मत परिणाम स्वीकार्छौं तर जन विद्रोहले उखेलेर फालेको पुरानो संसद, षडयन्त्रपुर्ण ढंगले फर्काउने कुनै पनि चलखेल, दवाब र धम्की स्वीकार्दैनौँ ।’