काठमाडाैं । झापा क्षेत्र नम्बर ५ मा पर्ने कमल गाउँपालिका वडा नम्बर २ मा रहेको राष्ट्रिय स्वतन्त्र पार्टी (रास्वपा) को सम्पर्क कार्यालयमा ढुंगा प्रहार भएको छ।

रास्वपा सम्पर्क कार्यालय रहेको जयकुमार अधिकारीको घरमा गएराति तोडफोड भएको हो।

ढुंगा प्रहारबाट घरबेटी बस्ने कोठाको सिसा फुटेको छ । माथिल्लाे तलामा रहेकाे रास्वपा कार्यालयमा भने कुनै क्षति नभएको प्रहरीले जनाएको छ ।

घटनाको जानकारी पाएलगत्तै प्रहरीले अनुसन्धान प्रक्रिया अगाडि बढाएको छ।