काठमाडाैं । राष्ट्रिय स्वतन्त्र पार्टी रास्वपाका सभापति रवि लामिछानेले कांग्रेस सभापति गगन थापालाई लक्षित गर्दै काठमाडौंबाट आएर मधेशको बेटा हुँ भन्नेलाई रोक्नुपर्ने बताएका छन् ।

बुधबार सर्लाहीमा आयोजित चुनावी सभालाई सम्बोधन गर्दै सभापति लामिछानेले काठमाडौंबाट आएर मधेशको बेटा बन्नेलाई रोक्ने जिम्मा सर्लाहीवासीको भएको बताए।

सर्लाही–४ मा आफ्नो पार्टीका उम्मेदवार अमरेशकुमार सिंहले जित्ने उनले दाबी गरे ।‘मलाई थाहा छ यहाँ अमरेशजीले जित्नुहुन्छ। तर, यदि अमरेशजी नभएको भए पनि यो ठाउँमा एउटा मधेसको मान्छेले जित्थ्यो। तर, कोही काठमाडौंबाट यहाँ आएर मधेसको बेटा हुँ भनेर अहिले नयाँ ठाउँ लिने जुन प्रयास भएको छ, यस पटक त्यसलाई ठाउँको ठाउँ रोक्ने जिम्मा तपाईंको हो’ लामिछानेले भने ।