काठमाडौँ : आज सुनचाँदीकै मूल्य बढेको छ। तोलामा ३५ सय बढेर सुनको भाउ आज तीन लाख १६ हजार नौसय पुगेको नेपाल सुनचाँदी व्यवसायी महासंघले जनाएको छ। 

गएको शुक्रबार सुनको भाउ तोलामा ४२ सय रुपैयाँ घटेर तीन लाख १३ हजार चारसयमा झरेको थियो। 

गएको बुधबार पनि सुनको भाउ तोलामा ११ हजार रुपैयाँ घटेको थियो।  दुई दिनमा १५ हजार दुईसय रुपैयाँ घटेको सुनको भाउ आज बढेको हो। 

आज चाँदीको मूल्य पनि तोलामा ३० रुपैयाँ बढेको छ। मूल्य बढेर आज चाँदीको भाउ तोलाको पाँच हजार ४ सय ७५ रुपेयाँ पुगेको महासंघले जनाएको छ।