काठमाडाैं । नेकपा एमालेले समानुपातिकबाट छानिएका १६ जना सांसदको सूची निर्वाचन आयोगलाई बुझाएको छ। आइतबार पार्टीले उक्त सूची आयोगमा पेस गरेको हो।

एमालेले जनजाति क्लस्टबाट भूमिका सुब्बा, गंगादेवी श्रेष्ठ उपाध्यक्ष रामबहादुर थापा ‘बादल’, कुलभक्त शाक्यलाई सांसद सिफारिस गरेकाे छ ।

महिलातर्फ सचिव पद्मा अर्याल, टुकाभद्रा हमाल, एशुदा कुमारी बराल, पुरूषतर्फ गुरुप्रसाद बराल, पुष्पराज कँडेल, थारू पुरूषबाट कृपाराम राना, दलित महिलाबाट विष्णुमाया विक र नीता घतानीलाई सिफारिस गरेको छ। मधेसी महिलामा रिङ्ला यादव र यशोधा कुमारी यादव, मधेसी पुरूषतर्फ चन्द्रेश्वर मण्डल र मुष्लिमबाट साजिदा सिद्धिकीलाई सिफारिस गरेको छ।

फागुन २१ गते भएको प्रतिनिधिसभा सदस्य निर्वाचनबाट एमालेले समानुपातिकर्फ १६ सिट जितेको छ । प्रत्यक्षतर्फ एमालेका नौ उमेदवार विजयी भएका थिए ।