अष्ट्रेलियामा भएको एसियाली कपमा भाग लिएको इरानी महिला फुटबल टोलीका ६ खेलाडी र १ टिमकी कर्मचारी मध्ये ५ जनाले शरणका लागि दिएकाे निवेदन फिर्ता लिएका छन् ।

यसअघी ४ जनाले शरणका लागि दिएकाे निवेदन फिर्ता लिएकाेमा आज फुटबल टोलीका कप्तान जाहरा घनबारीले पनि शरणका लागि दिएकाे निवेदन फिर्ता लिएकी छन् ।

इरानी मिडियाका अनुसार इरानी महिला फुटबल टोलीका खेलाडीहरु अष्ट्रेलियामा प्रतियाेगितामा भाग लिएर मलेसियाको राजधानी क्वालालम्पुरमा बसेका छन् । उनिहरु इरान फर्कने प्रतीक्षामा रहेका छन् । यसअघी शरणका लागि निवेदन फिर्ता लिएका ४ जना पनि क्वालालम्पुर आइपुगेकाेमा कप्तान जाहरा घनबारी पनि क्वालालम्पुरका लागि उड्ने तयारीमा छीन् ।

एसियाली कपमा एक खेल अघि आफ्नो राष्ट्रिय गान गाउन अस्वीकार गरेको कारण युद्धकालीन देशद्रोही भनेर लेबल लगाइएपछि शरण खोज्ने इरानी महिला फुटबल टोलीका सदस्यहरूलाई अष्ट्रेलियाले मानवीय भिसा प्रदान गरेको थियाे ।

महिला फुटबल प्रतिनिधिमण्डलका सात सदस्य छ खेलाडी र एक ब्याकरूम स्टाफ सदस्यले अष्ट्रेलियामा शरण खोजेका थिए।

अधिकार समूहहरूले बारम्बार इरानी अधिकारीहरूलाई आफन्तहरूलाई धम्की दिएर वा इस्लामिक गणतन्त्र विरुद्ध बयान दिएमा सम्पत्ति जफत गरेर खेलाडीलाइ दबाब दिएको आरोप लगाएका छन्।

तर इरानको फुटबल निकायले अष्ट्रेलियाले खेलाडीहरूलाई अपहरण गरेको र उनीहरूको इच्छा विरुद्ध आफ्नो गृह राष्ट्र त्याग्न बाध्य पारेको आरोप लगाएको छ।