काठमाठौं । राष्ट्रिय स्वतन्त्र पार्टी (रास्वपा)ले आफ्ना पार्टीका नवनिर्वाचित सांसदलाई अभिमुखीकरण तालिम दिइरहेको छ ।

मंगलबारदेखि ललितपुरको ग्वार्कोस्थित होटेल रोयल ट्युलिपमा सुरु भएको अभिमुखीकरण आज समापन हुँदै छ । संसदीय मर्यादा सिकाउन सांसदहरुलाई अभिमुखीकरण तालिम दिइएको हो ।

उक्त अभिमुखीकरणमा पार्टीका वरिष्ठ नेता बालेन्द्र शाह (बालेन)सहभागी नहुने भएका छन् । मंगलबार कार्यक्रममा सहभागी नभएका पार्टी सभापति लामिछाने र वरिष्ठ नेता बालेन आज उपस्थित भई सम्बोधन गर्ने बताइएको थियो ।

तर दोस्रो दिन सभापति लामिछाने सहभागी हुने भएपनि वरिष्ठ नेता शाह सहभागी नहुने पार्टीका एक नेताले जानकारी दिए । आगामी सरकारको गृहकार्यमा रहेको र केही दिनमा शारीरिक र मानसिक रूपमा खट्नुपर्ने भएकाले उनी उपस्थित नहुने जनाइएको छ ।