काठमाडौँ । ग्लोबल टेक जाएन्ट जेडटिईले आफ्नो बहुप्रतिक्षित गेमिङ फ्ल्यागशिप स्मार्टफोन, रेडम्याजिक ११ प्रो, नेपाली बजारमा ल्याउने तयारी गरेको छ।

इनोभेटिभ र हाइ पर्फर्मेन्स स्मार्टफोनहरू प्रदान गर्ने प्रतिबद्धताका साथ कम्पनीले यो सेट सार्वजनिक गर्न लागेको हो, जसले नेपाली प्रयोगकर्ताहरूको मोबाइल गेमिङ अनुभवलाई नयाँ उचाइमा पुर्‍याउने अपेक्षा गरिएको छ।

विशेषगरी पावर युजर्स र गेमिङ प्रेमीहरूलाई लक्षित गरिएको यस फोनमा १४४ हर्ज रिफ्रेश रेट सहितको ६.८५ इन्चको एमोलेड (AMOLED) डिस्प्ले रहनेछ। यसले प्रयोगकर्तालाई अत्यन्तै स्मूथ भिजुअल्स र इमर्सिभ गेमप्लेको अनुभव दिलाउनेछ।

साथै, सुरक्षाका लागि यसमा इन-डिस्प्ले फिङ्‌गरप्रिन्ट सेन्सर र प्रिमियम एवं पर्फर्मेन्स-केन्द्रित डिजाइन समावेश गरिएको छ।

पर्फर्मेन्सको कुरा गर्दा, रेडम्याजिक ११ प्रोमा अत्याधुनिक क्वालकम स्न्यापड्रागन ८ एलिट जेन ५ चिपसेट प्रयोग गरिएको छ, जसले फ्ल्यागशिप स्तरको गति र रिस्पोन्सिभनेस सुनिश्चित गर्दछ।

फोटोग्राफीका लागि यसमा ५० एमपी + ५० एमपी + २ एमपीको ट्रिपल रियर क्यामरा सेटअप र सेल्फीका लागि १६ एमपीको फ्रन्ट क्यामरा रहने अपेक्षा छ, जसले गेमिङका साथै कन्टेन्ट क्रिएसनमा पनि सन्तुलित नतिजा दिनेछ।

यस स्मार्टफोनको अर्को सबल पक्ष यसको ब्याट्री क्षमता हो। यसमा ७५०० एमएएच को शक्तिशाली ब्याट्री र ८० वाटको अल्ट्रा-फास्ट चार्जिङ सपोर्ट उपलब्ध छ, जसले यसलाई आफ्नो सेग्मेन्टको सबैभन्दा छिटो चार्ज हुने फोनमध्ये एक बनाउँछ।

कम्पनीका अनुसार करिब एक लाख साठी हजार रुपैयाँ मूल्य तोकिएको यो फोन अहिले प्रि-बुकिङका लागि खुला भइसकेको छ।