स्वास्थ्य तथा जनसङ्ख्या मन्त्रालयले जेनजी आन्दोलनका क्रममा नष्ट भएका सवारीसाधनका नाममा इन्धन दुरुपयोग नभएको स्पष्ट पारेको छ । गत वैशाख १५ गते स्वास्थ्य तथा जनसङ्ख्यामन्त्री निशा मेहताको मिडिया ह्रवाट्सएप ग्रुपमा जेनजी आन्दोलनका क्रममा जलेका सवारी साधनको नाममा समेत कर्मचारीले इन्धन लिने गरेको जानकारी दिँदै मन्त्री मेहताले छानबिनका लागि निर्देशन दिएको उल्लेख गरिएको थियो।

तर आज मन्त्रालयका सहप्रवक्ता डा समीरकुमार अधिकारीले मन्त्रालयले गरेको छानबिनका क्रममा कर्मचारीले जेनजी आन्दोलनका क्रममा जलेर नष्ट भएका सवारीसाधनको नाममा इन्धन दुरुपयोग गरको नदेखिएको विज्ञप्तीमा जनाएका छन् ।

मन्त्रीको सचिवालयलेनै हल्ला मच्चाएकोमा उल्टो आज मन्त्रालयले जारी गरको विज्ञप्तीमा अपुष्ट र भ्रम फैलाउने समाचार प्रवाह नगर्न मिडियालाई आग्रह गरिएको छ । मन्त्रीको सचिवालयले कर्मचारीलाई लक्षित गर्दै झुटो हल्ला फैलाउन थालेपछी अहिले मन्त्रालयका कर्मचारी मन्त्री र सचिवालयसँग आक्रोशित भएका छन् ।

समितिले जलेका सवारीसाधनसम्बन्धी प्रहरी मुचुल्का, इन्धनसम्बन्धी अभिलेख, भुक्तानी विवरणलगायत सम्बन्धित कागजातको अध्ययन तथा विश्लेषणका आधारमा जलेका सवारीसाधनका नाममा इन्धन दुरुपयोग नभएको निष्कर्ष निकालेको मन्त्रालयका सहप्रवक्ता अधिकारीले जानकारी दिए।

स्वास्थ्य मन्त्रालयका जलेका गाडीको नाममा इन्धन दुरुपयोग : कारबाही गर्न मन्त्रीको निर्देशन