काठमाडौँ । कोरोना भाइरस (कोभिड–१९)का जटिल बिरामीहरूका लागि प्रयोग हुने ‘टोसिलिजुमाब इञ्जेक्सन’ नेपाल आइपुगेको छ । शुक्रबार यतिकेम डिस्ट्रिब्युटर प्रा.लि.ले ५ सय भाइल टोसिलिजुमाब इञ्जेक्सन काठमाडौँ ल्याएको हो ।

यतिकेमका प्रमुख प्रभुराज वैद्यले इञ्जेक्सन लिनका लागि बिरामीका आफन्तले तोकिएको मापदण्ड पूरा गरेर आएमा प्राप्त हुने बताए । औषधि व्यवस्था विभागले औषधिको मूल्यसहित कसरी कहाँबाट पाउने आदिको बारेमा विस्तृत जानकारी दिएको छ ।

भारतमा समेत अभाव भएको यो औषधि यसअघि नेपालमा भित्रिएको थिएन । कतिपय चिकित्सकहरूले यो औषधिका लागि रिकमेण्डे गर्ने गरेका थिए ।

बिरामीका लागि एक वा दुई भाइल प्रयोग हुँदै आएको यो इञ्जेक्सनको प्रति भाइल मूल्य ५९ हजार ८५० रुपैयाँ तोकिएको छ ।