काठमाडौँ । प्रदेश २ मा जनता समाजवादी पार्टी (जसपा)का अध्यक्ष महन्थ ठाकुर समूहका प्रदेश सांसदहरूको बैठक सुरु भएको छ । आगामी रणनीति बनाउन जितेन्द्र सोनलले बैठक बोलाएका हुन् ।

जसपाका अध्यक्ष उपेन्द्र यादव पक्षबाट मुख्यमन्त्री बनेका लालबाबु राउतले ठाकुर–महतो पक्षका ४ मन्त्री हटाएर कांग्रेसलाई सरकारमा ल्याउने तयारी गरेका थिए । तत्कालीन राजपाका संसदीय दलका नेतासमेत रहेका जितेन्द्र सोनलको नेतृत्वमा दलको बैठक बसिरहेको छ ।

आइतबार जसपा अध्यक्ष उपेन्द्र यादवले संसदीय दलको विधान बहुमतले पारित गर्दै संसदीय दलको नेतामा मुख्यमन्त्री लालबाबु राउतलाई बहुमतले चयन गरेका छन् ।

प्रदेशसभाको छैटौँ अधिवेशनको पहिलो बैठक आज बस्दै छ । पहिलो दिनको बैठकमा शुभकामना र सरकारले प्रिबजेट विवरण पेस गर्ने कार्यसूची रहेको प्रदेशसभा सचिवालयले जानकारी दिएको छ ।