काठमाडौं । स्टक एक्सचेञ्जमा आबद्ध कम्पनीको शेयर कारोबार मापक नेप्से परिसुचक लगातार ३ दिन वृद्धि भएको छ ।

साताको तेस्रो कारोबार दिन आज मंगलबार नेप्से परिसुचक ५३ दशमल ४४ अंकले बढेर २ हजार ९ सय ६० दशमलब १४ को बिन्दुमा पुगेको हो । यो हाल सम्मकै उच्च हो ।

मंगलबार कूल २ सय १८ कम्पनीको १ लाख ४९ हजार ७ सय ८ कारोबारबाट १६ अर्ब ९५ करोड १२ लाख ९९ हजार ४० रुपैयाँ बराबरका ३ करोड ५७ लाख ३ सय ७४ कित्ता शेयर खरिद बिक्रिब भएको स्टक एक्सचेञ्जले जनाएको छ ।

मंगलबार मुक्तिनाथ विकास बैंक, हिमालयन जनरल इन्स्योरेन्स, जानकी फाईनान्स, समृद्धि फाइनान्स कम्पनी लगायत ३६ कम्पनीको सेयर मूल्यमा वृद्धि भएको छ ।

स्टक एक्सचेञ्जका अनुसार नेपाल पूनर्बीमा कम्पनीको सबैभन्दा धेरै १ अर्ब ६ करोड ५३ लाख र रसुवागढि हाइड्रोपावरको ४७ करोड ८२ लाख रुपैयाँ बराबरको सेयर कारोबार भएको छ ।