काठमाडौं । वाग्मती प्रदेश सरकारले नदीजन्य पदार्थको अत्यधिक दोहन रोक्न ढुङ्गा गिट्टी,बालुवा लगायत नदीजन्य पदार्थको दिगो संकलन उपयोग र प्रभावकारी अनुगमनको व्यवस्था मिलाइने जनाएको छ ।

बिहीबार प्रदेशसभामा वाग्मती प्रदेशको नीति तथा कार्यक्रम प्रस्तुत गर्दै प्रदेश प्रमुख विष्णुप्रसाद प्रसाईंले नदी तथा जलासयहरुमा जलचरको संरक्षण र विकाससम्बन्धी कार्यक्रम ल्याउने जानकारी दिए ।

उनले चुरे लगायतका संवेदनशील जलाधार क्षेत्रको स्वच्छ जलाधार ,सफा पानी सोचका साथ नदी प्रणालीमा आधारित एकीकृत जलाधार व्यवस्थापना कार्यक्रमलाई थप प्रभावकारी बनाई समुदायको जिविकोपार्जनमा टेवा पुर्याउने बताएका हुन् ।

यसैगरी, उपत्यका लगायतका प्रदेशका मुख्य सहरी क्षेत्रमा वायु प्रदुषण नियन्त्रण तथा न्युनिकरणका लागि केन्द्रिय सरकार, स्थायिन तह र निजी क्षेत्रसँग सहकार्य गरिने प्रदेश सरकारले निति तथा कार्यक्रममा समेटिएको छ ।