काठमाडौँ । कर्णाली प्रदेशसभाका सदस्य मिनासिंह रखालले प्रधानमन्त्री केपी शर्मा ओलीको जीवन रक्षाको माग गरेका छन् ।

प्रदेशसभाको आठौँ अधिवेशनको सातौँ बैठकमा जारी नीति तथा कार्यक्रम माथिको छलफलमा बोल्दै उनले प्रधानमन्त्रीको जीवन रक्षा हुनु पर्ने बताएका हुन् ।

“मान्छे मार्छु भन्ने सर्वसाधारणलाई ज्यान मार्ने कसुरमा मुद्दा चल्छ भने प्रदेशसभा सदस्यको हकमा के कानून छ र ?” प्रश्न गर्दै उनले भने, “त्यसैले म भन्न चाहन्छु, सांसदले रोष्टमबाट मान्छे मार्ने अभिव्यक्ति दिएपछि उनलाई कारबाही हुन्छ कि हुँदैन ? अभिव्यक्ति फिर्ता लिएर मात्र हुँदैन ।”

उनले प्रधानमन्त्री ओलीको जीवन रक्षाका लागि त्यस्तो अभिव्यक्ति दिने सांसदलाई हिरासतमा राखी कारबाही गर्न माग गरे ।