काठमाडौँ । गण्डकी प्रदेशका विना विभागीय मन्त्री दिपक मनाङेले प्रधानमन्त्री केपी शर्मा ओलीप्रति टिप्पणी गरेका छन् । तेस्रोपटक मन्त्री बनेका उनले प्रधानमन्त्रीको स्वास्थ्यसँग जोडेर टिप्पणी गरेका हुन् ।

‘केपी ओलीको न वर्तमान छ, न भविष्य छ, तर यसको पछि लाग्ने मान्छेहरुको बुद्धि छैन रैछ क्या,’ पत्रकारले बोलिदिन आग्रह गरेपछि मनाङेले भने, ‘दुईवटा किड्नी नभएको मान्छे हो, अरुको त किड्नी छ नि यार, वुद्धि भए छिटो उसको साथ छोड्दा राम्रो हुन्छ, म त टाइममै छोडेर बचेँ ।’

एमाले नेतृत्वको सरकारमा उनी युवा तथा खेलकुद मन्त्री रहेका थिए । उनले सो मन्त्रालयमा दुईपटक मन्त्री बनेका थिए ।

सरकार ढल्ने अवस्था आएपछि उनी विपक्षी गठबन्धनमा सामेल हुँदै विना विभागीय मन्त्री बनेका हुन् ।