काठमाडौं । वरिष्ठ मिर्गौला रोग विशेषज्ञ डा.कनकबहादुर रावतको कोभिड संक्रमणका कारण मृत्यु भएको छ । डा रावतलाई जेठ दोस्रो साता अस्पतालमा भर्ना गरिएको थियो। नेपाल चिकित्सक संघका महासचिव डा.बद्री रिजालले बिहान शिक्षण अस्पतालमा उपचारका क्रममा उनको मृत्यु भएको जानकारी दिए ।

त्रिवि चिकित्सा शास्त्र अध्ययन संस्थानका पूर्वडीन प्रा.डा. जगदीशचन्द्र अग्रवालले उनी कुशल र इमान्दार चिकित्सक भएको बताए। उनको सिभियर कोभिड निमोनियाका कारण मृत्यु भएको महासचिव रिजालले जानकारी दिए।