काठमाडौँ । अष्ट्रेलियाले वेस्ट इण्डिज र बंगलादेश भ्रमणका लागि टिमको घोषणा गरेको छ । अष्ट्रेलियाले बुधबार वेस्ट इण्डिज र बंगलादेशसँगको सिरिज खेल्न १८ सदस्यीय टिमको घोषणा गरेको हो ।

अष्ट्रेलियाले आरोन फिञ्चको कप्तानीमा टिमको घोषणा गरेको हो । यस्तै दुई खेलाडी वैकल्पिकमा राखिएको छ ।

अष्ट्रेलियाले घोषणा गरेको टिममा ग्लेन म्याक्स्वेल, स्टिभ स्मिथ, पाट कुमिन्स, मार्कुस स्टोनिस, डानिल साम, केन रिचार्डसन, डेभिड वार्नर, टिममा परेका छैनन् ।

चोटका कारण स्मिथलाई विश्राम दिइएको समाचारमा जनाइएको छ । अन्य खेलाडी भने उनीहरूको अनुरोधका कारण भ्रमण गर्ने टिममा नराखिएको बताइएको छ ।

अष्ट्रेलियाले वेस्ट इण्डिजसँग पाँच टी ट्वान्टी र तीन खेलको एकदिवसीय सिरिज खेल्ने छ । यस्तै, बंगलादेशसँग पाँच खेलको टी ट्वान्टी सिरिज खेल्ने छ ।