काठमाडौँ । जारी १६ औँ संस्करणको युरोकप फुटबलअन्तर्गत फ्रान्स र हंगेरीबीचको आजको खेल बराबरीमा रोकिएको छ । हंगेरीको बुडापेस्टमा भएको खेल बराबरीमा रोकिएको हो ।

फ्रान्स हंगेरीसँग १-१ गोलको बराबरीमा रोकिँदा हारबाट रोकिएको छ । फ्रान्सका एन्टोनियो ग्रीजम्यानले एक गोल गर्दा हारबाट रोकिएको हो । खेलको पहिलो हाफको इञ्जुरी समयको दोस्रो मिनेटमा एटिला फिओलाले गोल गर्दै हंगेरीलाई अग्रता दिलाएका थिए ।

रोलान्ड सालियाको पासमा उनले गोल गरेका हुन् । तर, दोस्रो हाफको ६६ औ मिनेटमा ग्रिजम्यानले गोल गर्दै फ्रान्सलाई १-१ को बराबरीमा ल्याएका थिए । यस बराबरीसँगै समूह एफको फ्रान्सले २ खेलमा ४ अंक जोडेको छ । फ्रान्स समूहको शीर्ष स्थानमा समेत उक्लिएको छ ।

समूह चरणको पहिलो खेलमा फ्रान्सले जर्मनीलाई १-० गोलले हराएको थियो । पहिलो खेलमा पोर्चुगलसँग ३-० ले पराजित भएको हंगेरीले एक अंक जोडेको छ ।