काठमाडौँ । सर्वोच्च अदालतले प्रधानमन्त्री केपी शर्मा ओलीसहित नेकपा एमालेका कर्णाली प्रदेशका ४ सांसदलाई उपस्थित हुन आदेश गरेको छ । पार्टीको ह्वीप उल्ल्घंन गरेका भन्दै आदेशविरुद्धको पुनरावलोकन (भ्याकेट) दर्ता गर्ने प्रधानमन्त्री र कर्णालीका ४ सांसदलाई जवाफसहित उपस्थित हुन आदेश गरेको हो ।

यसअघि सर्वोच्चले एमाले दशौँ महाधिवेशन आयोजक कमिटीले कर्णालीका ४ सांसदमाथि गरेको कारबाही अवैध भन्दै पुनर्वहाली गरेको थियो । पदमुक्त गरिएका सांसदलाई पुनर्वहाली गर्ने सर्वोच्चको सुनुवार्इपछि परेको भ्याकेटमा छलफल गर्न मंगलबार सर्वोच्चले दुवै पक्षलाई उपस्थित हुन आदेश दिएको हो ।

न्यायाधीशद्वय आनन्दमोहन भट्टराई र हरि फुँयालको संयुक्त इजलासले यस्तो आदेश गरेको हो ।

एमालेका अध्यक्षसमेत रहेका ओली र कर्णाली प्रदेशसभा सचिवालयले सर्वोच्चमा छुट्टाछुट्टै भ्याकेट दर्ता गराएका थिए ।