काठमाडौं । प्रतिनिधि सभा विटघटन सम्बन्धी रिटमाथि आजदेखि बहस सुरु भएको छ । आजको बहसमा रिट निवेदकका तर्फबाट अधिवक्ता गोविन्द बन्दीले बहस गरेका छन् । बन्दीले संविधानको धारा ७६ (५) अनुसार आह्वान भएपछि पाँचजना पूर्वप्रधानमन्त्रीहरुसहित १४९ जना सांसदको हस्ताक्षर लिएर राष्ट्रपति कार्यालय पुग्नु नै विश्वसनीय आधार भएको तर्क गरेका छन् ।

“राष्ट्रपतिलाई यहाँभन्दा विश्वसनीय आधार के चाहियो श्रीमान् ,” बन्दीको प्रश्न थियो, “केपी शर्मा ओलीबाहेकलाई प्रधानमन्त्री बनाउन नचाहेको होइन र ? ”

राष्ट्रपतिले मध्यरातमा नै किन निर्णय गर्नुपर्‍यो, उहाँको नियत गलत थियो भन्ने आधार नै यही हो । राजनीतिक पार्टीको सहमति वा समर्थन म्यान्डेटरी नै छैन भने त्यसैलाई देखाएर आफ्नो नियत राष्ट्रपतिले पूरा गर्न पाउँछ श्रीमान् उनले थप प्रश्न गरेका छन् ।

बन्दीलाई नै फेरि त्यही बेला प्रधानन्यायाधीश चोलेन्द्रशमशेर राणाले प्रश्न गरे– के त्यसो भए ७६(२) मा सरकार बनाउन नसक्नेले ७६(५) अनुसार गर्न मिल्छ त ?”

प्रधानन्यायाधीशको प्रश्नमा बन्दीले भने, “७६(२) दलीय आधारमा हो श्रीमान् ।  तर ७६ (५) होइन ।”

त्यसो भए ५ को प्रक्रिया सुरु गर्ने समय भएको थियो ? प्रधानन्यायाधीशको प्रश्न थियो ।