काठमाडौं । स्वास्थ्य तथा जनसंख्या मन्त्रालयले नेपालमा हालसम्म देखिएका कोभिड–१९ का भेरियन्टहरूमध्ये ‘डेल्टा भेरियन्ट’ सबैभन्दा बढी संक्रामक रहेको जनाएको छ । मन्त्रालयका प्रवक्ता डा. कृष्ण प्रसाद पौडेलले सोमबार देखिएको ‘कप्पा भेरियन्ट’ पहिलाको तुलनामा ५८ प्रतिशतले संक्रामक रहेको जानकारी दिए ।

नेपालमा अहिलेसम्म डेल्टा र अल्फा, कप्पा भेरियन्ट पुष्टि भएको मन्त्रालयले जनाएको छ । डो पौडेलले भने,“पछिल्लो समय नेपालमा देखिएका भेरियन्टहरूको जोखिम सबै उमेर समूहमा हुने भएकाले सतर्क रहन आग्रह गर्छु ।

विश्व स्वास्थ्य संगठनका अनुसार कोभिड–१९ का नयाँ भेरियन्टहरूमध्ये बिटा २८ प्रतिशत, अल्फा २४ देखि ३४ प्रतिशत, गामा ३३ देखि ५१ प्रतिशत, डेल्टा ७८ देखि १२१ प्रतिशतसम्म र कप्पा ५८ प्रतिशत बढी संक्रामक रहेका छन् ।