काठमाडौँ । ब्राजिलमा भइरहेको कोपा अमेरिका फुटबल प्रतियोगितामा ब्राजिल फाइनल प्रवेश गरेको छ ।सेमिफाइनलको खेलमा पेरूलाई १–० गोल अन्तरले पराजित गर्दै ब्राजिल फाइनलमा पगेको हो ।

नेयमारले उपलब्ध गराएको पासमा लुकास पाक्केटाले गोल गरेका थिए । सोही गोल निर्यणक बनेपछि ब्राजिल फाइनलमा प्रवेश गरेको हो ।

ब्राजिल उपाधिको नजिक पुगेको छ । उसले उपाधिका लागि अर्जेण्टिना वा कोलम्बियामध्ये एक टिमसँग खेल खेल्नु पर्ने भएको छ ।

सेमिफाइनलको खेलमा अर्जेण्टिना र कोलम्बिया भिड्ने भएको छ । यो खेल बुधबार बिहान ६ः४५ बजे हुनेछ ।

कोपा अमेरिका फुटबल २०२१ को फाइनल खेल आइतबार बिहान ५ः४५ बजे हुनेछ ।