काठमाडौं । मोहन वैद्य नेतृत्वको नेकपा ( क्रान्तिकारी माओवादी) निकटको विद्यार्थी संगठन अखिल क्रान्तिकारीले माहाकाली नदिमा भएको घटनाको विरोधमा प्रदर्शन गरेको छ ।

सोमबार क्रान्तिकारीले भारतीय दुतावास अगाडि भारतीय ज्यादतीविरुद्ध प्रदर्शन गरेको हो ।

साउन १५ गते व्यास गाउँपालिका–२, मालघाटका स्थानीय ३३ वर्षीय जयसिंह धामी तुइनबाट महाकाली नदी तर्दै गर्दा भारतीय सीमा सुरक्षा बल (एसएसबी)ले तुइन काटिदिएपछि महाकाली नदीमा डुबेर बेपत्ता भएका थिए ।

अखिल क्रान्तिकारीले अविलम्ब कूटनीतिक पहल गरी दोषीलाई कारवाहीको दायरामा ल्याउन सरकारसँग माग गरेका छन् ।