काठमाडौँ । तालिवानले सत्ता कब्जा गरेसँगै विदेशी नागरिक बाहिरिने क्रममा अफगानिस्तानबाट हालसम्म ५०४ जना नेपाली स्वदेश फर्किएका छन् । परराष्ट्र मन्त्रालयका अनुसार शनिबार टर्किस् एयरबाट २६ जना र जजिरा एयरबाट ९ जना गरी ३५ जनाको उद्धार भएसँगै स्वदेश फिर्ता हुने नेपालीको संख्या ५०४ जना पुगेको हो ।

कन्सुलर सेवा विभागको वेव पोर्टलमा शनिबारसम्म ३१७ जना नेपालीले आफ्नो विवरण दर्ता गरेका छन् । जसमा नाम र राहदानी नम्बर दोहोरिएको, एकै जनाको धेरै ठाउँबाट विवरण भरिएको जस्ताको रुजु गरी बाँकी व्यक्तिहरूको उद्धार गर्ने मन्त्रालयले जनाएको छ ।

अफगानिस्तानबाट अमेरिका, अष्ट्रेलिया, क्यानडा जस्ता राष्ट्रहरूले नेपाली नागरिकको उद्धारमा सहयोग पुर्याउँदै आएको छ ।