काठमाडौँ । पूर्व मन्त्री तथा नेपाली कांग्रेसका नेता मोहम्मद आफताब आलमको मुद्दाको सुनुवाई रोकिने भएको छ । पटक–पटक पेसी तोकेर सुनुवाई हुन रोकिएको यस मुद्दा आज पनि रोकिने भएको हो ।

विपक्षी पक्षको कानुन व्यवसायीले सुनुवाई रोक्न माग गरेसँगै उक्त मुद्दामा सुनुवाई नहुने भएको हो । सर्वोच्च अदालतले आलमको मुद्दा सुनुवाई गर्न न्यायाधीशद्वय प्रकाशमानसिंह राउन र प्रकाशकुमार ढुंगानाको इजलासमा पेसी तोकेको थियो ।

निर्वाचनको समयमा गृह जिल्लामा जिउँदै मानिस जलाएको अभियोगमा आलमलाई जिल्ला अदालत र उच्च अदालतले पुर्पक्षका लागि थुनामा पठाएको थियो । उक्त आदेशविरुद्ध उनले सर्वोच्च अदालतमा जेल मुक्त हुन निवेदन दिएका थिए ।

२०७६ असोज २६ मा पक्राउ परेका आलम कांग्रेसबाट रौतहट जिल्लामा प्रतिनिधिसभा निर्वाचनमा विजयी भएका थिए । उनीमाथि करिब दुई दर्जन मानिसलाई जिउँदै जलाएको आरोप छ ।