काठमाडौँ । सत्तारुढ दलका शीर्ष नेताहरूको भेट वार्ता सकिएको छ । आइतबार बिहान ९ बजे प्रधानमन्त्री निवास बालुवाटारमा बसेको बैठक सकिएको हो ।

बैठकमा प्रधानमन्त्री तथा नेपाली कांग्रेसका सभापति शेरबहादुर देउवा, नेकपा माओवादी केन्द्रका अध्यक्ष पुष्प कमल दाहाल ‘प्रचण्ड’ र नेकपा एकीकृत समाजवादीका अध्यक्ष माधव कुमार नेपाल सहभागी भएका थिए ।

नयाँ सरकार बनेको ४७ दिन हुँदासम्म मन्त्रिपरिषद् विस्तार हुन नसकेको अवस्था सत्ता साझेदारी दलका शीर्ष नेताहरूको भेटलाई अर्थपूर्ण रुपमा हेरिएको छ । मन्त्रिपरिषद् विस्तारका लागि शनिबार पनि प्रधानमन्त्री देउवा र प्रचण्डबीच भेट वार्ता भएको थियो । बालुवाटार स्रोतका अनुसार बिहान साढे ९ बजेदेखि सुरु भएको बैठक सकिएको हो ।

अहिलेसम्म देउवाले कांग्रेसका २ मन्त्री र एक राज्यमन्त्री र माओवादी केन्द्रका २ मन्त्री मात्रै नियुक्त गरेका छन् ।