काठमाडौँ । गत असार २ गते मृगौला प्रत्यारोपण गर्न भारतको एपोलो अस्पताल पुगेका पूर्वप्रधानमन्त्री तथा नेकपा एकीकृत समाजवादीका नेता झलनाथ खनाल स्वदेश फर्किएका छन् । स्वदेश फर्किएका उनले आफ्नो उपचारमा सहयोग गर्ने सबैलाई धन्यवाद दिए ।

त्रिभुवन अन्तर्राष्ट्रिय विमान स्थलमा पत्रकारसँग बोल्दै उनले नेपालमा ठूलो राजनीतिक परिवर्तन भएको सन्दर्भ निकालेका थिए । उनले भने, ‘नेपालमा ठूलो राजनीतिक परिवर्तन भयो, प्रधानमन्त्री शेरबहादुर देउवाको नेतृत्वमा पाँच दलको नयाँ गठबन्धन सरकार स्थापित भयो ।’