भीम रावलको प्रश्न : भारतीय हेलिकप्टर नेपाली भूमिमा उडेको थाहा छ कि छैन सरकार

मेरोन्यूज २०७८ भदौ १८ गते ११:२०

काठमाडौँ । नेकपा एमालेका उपाध्यक्ष भिम रावलले दार्चुला जिल्लाको नेपाली हवाई क्षेत्रमा भारतीय हेलिकप्टर उडाएको बारेमा सरकारलाई प्रश्न गरेका छन् । उनले आफ्नो सामाजिक सञ्जाल ट्विटरमार्फत सरकारलाई प्रश्न गरेका हुन् ।

‘दार्चुला जिल्लामा नेपालको हवाई क्षेत्र उल्लंघन गरी भारतीय हेलिकप्टर निरन्तर उडेको नेपाल सरकारलाई थाहा छ कि छैन ?,’ उनले भने ।

यस्तै, उनले नेपाल सरकारले भारतीय सेनालाई हवाई अनुमति दिएको हो भने के प्रयोजनका लागि दिएको भन्दै प्रश्न गरे । उनले भने, ‘गठबन्धनका लागि सरकार भनेको मन्त्रीको भागबण्डा, पार्टी फुटाउने र सत्ता हत्याउने मात्र हो कि देश र जनताको सुरक्षा गर्नु हो ?’