काठमाडौँ । लुम्बिनी प्रदेशका मन्त्रीहरूको कार्य विभाजन तथा जिम्मेवारी हेरफेर गरिएको छ । मुख्यमन्त्री कुल प्रसाद केसीको सिफारिसमा प्रदेश प्रमुख अमिक शेरचनले मन्त्रीहरूको कार्य विभाजन तथा जिम्मेवारी हेरफेर गरिएको हो ।

प्रदेश प्रमुख शेरचनले नेपालको संविधानको धारा १६८ को उपधारा ९ बमोजिम विना विभागीय मन्त्री बनेका अजय बहादुर शाहीलाई उद्योग वाणिज्य तथा आपूर्ति मन्त्री बनाइएको छ ।

यस्तै सरकार प्रवक्तासमेत रहेको आर्थिक मामिला मन्त्री कृष्ण ध्वज खड्कालाई सहकारी मन्त्रालयको जिम्मेवारी पनि दिइएको छ । यस्तै शहरी विकास मन्त्री डिल्ली बहादुर चौधरीलाई पर्यटन, ग्रामीण मन्त्रालयको जिम्मेवारी थपिएको छ ।

यसैगरी सहसराम यादवलाई भौतिक पूर्वाधार विकास मन्त्रालयको जिम्मेवारी दिइएको छ भने सुमन शर्मा रायमाझी र पुर्मती ढेंगालाई विना विभागीयको जिम्मेवारी दिएको छ । अहिले लुम्बिनी प्रदेशमा मुख्यमन्त्रसहित ७ जनाको मन्त्री मण्डल रहेको छ ।