काठमाडौँ । नेकपा (माओवादी केन्द्र)ले पार्टीको निर्वाचन आयोगलाई ५ दिनभित्र पूर्णता दिने तयारी गरेको छ । पार्टी केन्द्रीय कार्यालयमा बसेको माओवादी स्थायी समिति बैठकले त्यसको तयारीका लागि छलफल थालेको छ ।

पार्टीको पौष ११, १२ र १३ गते राष्ट्रिय सम्मेलन गर्ने तयारी माओवादीले गरेसँगै त्यसअगाडि सम्पन्न गर्नु पर्ने सेल, टोल भेला–सम्मेलन, वडा, गाउँ, नगर सम्मेलन, प्रदेश सम्मेलनलगायतका काम गर्न निर्वाचन आयोगलाई पूर्णता दिनु अनिवार्य भएकाले त्यसका लागि ५ दिनभित्र काम सक्ने समय तालिका माओवादीले तय गरेको हो ।

माओवादीले असोज १० मा सेल र टोल सम्मेलन, असोज २० मा वडा सम्मेलन, कात्तिक ६ गते गाउँ नगर सम्मेलन र मंसिर १५ मा प्रदेश सम्मेलन गर्ने निर्णय लिएको छ ।

त्यसका लागि पार्टीले काम थाल्नु पर्ने र निर्वाचन समितिलाई पूर्णता दिनु पर्ने विषयमा शुक्रबारको स्थायी समिति बैठकमा छलफल भएको आयोगका अध्यक्ष विष्णु पुकार श्रेष्ठले जानकारी दिए ।