काठमाडौँ । नेकपा एमालेबाट निर्वाचित भएका प्रदेश २ का दुई प्रदेशसभा सदस्य नेकपा एकीकृत समाजवादीमा गएका छन् । सांसद सुन्दरबहादुर विश्वकर्मा र सीता गुरुङले आज एकीकृत समाजवादीको दलमा सनाखत गरेका हुन् । उनीहरूले जनकपुरधामस्थित प्रदेश निर्वाचन आयोगमा पुगेर सनाखत गराएका हुन् ।

गत बिहीबार एमालेका १० जना सांसदले एकीकृत समाजवादी रोजेका थिए । प्रदेश २ मा नेकपा एमालेको २१ प्रदेशसभा सदस्यमध्ये १२ जना एकीकृत समाजवादीमा गएका हुन् ।

यसअघि सांसदहरू शत्रुद्यन महतो, गोविन्दबहादुर न्यौपाने, प्रमोद यादव, अशोककुमार यादव, मञ्जु कुमारी यादव, बेची लुंगेली, रवीन्द्र बैठा, नागेन्द्र राय यादव, हसिमा खातुन र मनोज सेन श्रीवास्तव एकीकृत समाजवादीमा गएका थिए ।