काठमाडौं । रोल्पामा पहिरोले घर पुरिँदा एक जनाको मृत्यु भएको छ। रोल्पा नगरपालिका वडा नम्बर १० मा गए राति पहिरोले घर पुरिँदा एक जनाको मृत्यु भएको राष्ट्रिय आपतकालीन कार्यसञ्चालन केन्द्रले जनाएको छ ।

केन्द्रले दिएको जानकारी अनुसार पहिरोले घर पुरिँदा दुई जना घाइते छन् भने एक जना बेपत्ता छन्। उनको खोजी कार्य भइरहेको छ। मृत्यु र घाइते तथा बेपत्ता हुनेहरूको पहिचान भइसकेको छैन।