काठमाडौं । अमेरिकी सहयोग नियोग मिलेनियम च्यालेन्ज कर्पोरेसन (एमसीसी)का उपाध्यक्ष फातिमा सुमार र सहायक उपाध्यक्ष जोनाथन ब्रुक्स एमाले अध्यक्ष केपी ओलीको नीजि निवास बालकोट पुगेका छन् । आजै कतार एयरको विमानबाट काठमाडौँ आएका उनीहरु केही वेर अगाडी मात्रै ओली भेटन बालकोट पुगेका हुन् ।

उनले आजैवाट राजनीतिक भेटघाट शुरु गरेकी हुन् । ४ दिनसम्म काठमाडौंमा बस्ने उनले प्रधानमन्त्री शेरवहादुर देउवासँग भने भोलि सिंहदरवारस्थित प्रधानमन्त्री तथा मन्त्रिपरिषद्को कार्यलयमा भेटने कार्यतालिका बनेको छ ।

उनीहरुको सुरक्षाका लागि सरकारले विशेष सुरक्षा ब्यवस्था मिलाएको छ । नेपालभित्र एमसीसीको चर्को विरोध भईरहेको सन्दर्भलाई हेरेर सरकारले सुरक्षा ब्यवस्था कडा बनाएको हो ।

काठमाडौं आउनुअघि बुधबार उपाध्यक्ष सुमारले एमसीसीबारे नेपाली जनस्तरमा उठेको प्रश्नसहित सरकारले पठाएको पत्रको अमेरिकी दूतावासमार्फत जवाफ पठाएकी थिइन् ।

नेपालभित्र एम्सीसी संसोधन र परिमार्जन विना पारित हुन नसक्ने बताईरहेका बेला अमेरिकाको जवाफमा संशोधन हुन नसक्ने जवाफ छ ।

तस्वीर : ओलीको सचिवालय