काठमाडौं । नेकपा एमालेको स्थायी कमिटि बैठक स्थगित भएको छ । विद्यान महाधिवेशनको तयारी र नेताहरुको कार्यविभाजनका लागि एमालेले स्थायी कमिटि बैठक बोलाएको थियो । तर नेताहरु संसदमा ब्यस्त रहनु परेकोले आजका लागि तय भएको स्थायी कमिटि बैठक स्थगित भएको एमाले केन्द्रीय कार्यालय सचिव शेरवहादुर तामाङले जानकारी दिए ।

वैठकका लागि भन्दै स्थायी कमिटि सदस्यहरु विष्णु रिमाल, केशव वढाल लगायत नेताहरु वैठक स्थल तुलसीलाल स्मृति प्रतिष्ठान पुगेपनि संसदमा सरकारले आजै एमालेको विरोधका वीच वजेटसम्वन्धी प्रतिस्थापन अध्यादेश लगायतका काम अगाडी वढाएपछि नेताहरु सदनमा विरोधमा ब्यस्त रहनुपरेकोले आजको स्थायी कमिटि बैठक स्थगित गरेको हो ।