काठमाडौं । नेपाली कांग्रेसका सभापति एवम् प्रधानमन्त्री शेरबहादुर देउवाले निर्वाचन समितिबाट राजीनामा दिएका पार्टी निर्वाचन समितिका संयोजक महादेव यादवको राजीनामा अस्वीकृत गरिदिएका छन् ।

पार्टी विवादका कारण निर्वाचन समितिमा रहेर काम गर्न नसक्ने भन्दै यादवले भदौ २३ गते निर्वाचन समिति संयोजकबाट राजीनामा दिएका थिए ।

नेपाली कांग्रेसको १४ महाधिवेशनका लागि भएका निर्वाचन विवादस्पद हुनुका साथै २१ जिल्लाको क्रियाशील सदस्यको नामसमेत निर्वाचन समितिलाई नदिएकाले काम गर्न नसकिने भन्दै यादलले राजीनामा दिएका थिए ।

पार्टी सभापति देउवाले राजीनामा अस्वीकृत गरी पठाएको पत्र महामन्त्री पूर्णबहादुर खड्काले यादवलाई बुझाएपछि उनी विवश भएर पुरानै जिम्मेवारीमा फर्किएका छन् ।

‘मैले दिएको राजीनामा स्वीकृत भएन । आफ्नो भूमिका निर्वाह गर्न अनुरोध गरिएको छ’, यादवले मेरोन्यूजसँग भने–‘पार्टीको अनुशाशित कार्यकर्ता भएको हुनाले विवश भएर पुरानै जिम्मेवारीमा फर्किएको छु ।’

आपूmले दिएको राजीनामा अस्वीकृत भई काम गर्न अग्रह गरिएपछि विवश भएर पुरानै जिम्मेवारीमा फर्किएका उनले शुक्रबार पार्टीको १४ औं महाधिवेशनको संशोधित कार्यतालिका आफ्नै हस्ताक्षरमा सर्वाजनिक गरेका छन् ।