काठमाडौं । अर्थमन्त्री जनार्दन शर्माले आफूले संसदमा शुक्रबरा पेश गरेको प्रतिस्थापन विधेयकले आर्थिक वृद्धि ७ प्रतिशत पुग्ने दाबी गरेका छन् ।

शुक्रबारको संसद बैठकपछि सञ्चारकर्मीलाई प्रतिक्रिया दिदैँ अर्थमन्त्री शर्माले आफूले संवैधानिक व्यवस्था अनुसार प्रतिस्थापन विधेयक ल्याएको उल्लेख गरे ।

मन्त्री शर्माले संसदमा पेश भएको प्रतिस्थापन विधेयकले आर्थिक अराजकतालाई नियन्त्रण गर्दै मितव्ययिता कायम गर्ने पनि विश्वास ब्यक्त गरे ।
बजेट मात्रै बिनियोजन भएको तर कुनै काम नहुने खालको योजनाहरुलाई हटाएको मन्त्री शर्माले बताए ।

अर्थ नभएका बजेटमात्र विनियोजन गरेका त्यस्ता योजनाहरुलाई आफूले हटाएको भन्दै उनले चालु खर्च अन्र्तगत तालिम भत्ता लगायतको बजेट १० प्रतिशत कटौती गरेर कोभिडको लागि भ्याक्सिन किन्ने बजेटमा रुपान्तरण गरेको बताए ।