काठमाडौं । नेपाल कम्युनिस्ट पार्टीका महासचिव नेत्रविक्रम चन्द ‘विप्लव’ले जनमत संग्रहबाट नयाँ संविधान घोषणा गर्नुपर्ने प्रस्ताव ल्याएका छन् ।

संविधान दिवसका दिन विप्लवले विज्ञप्ति जारी गर्दै नेपालको संविधान २०७२ ले आम नेपालीको माग सम्बोधन गर्न नसकेको भन्दै उनले संविधान दिवसकै दिन जनमत संग्रहबाट नयाँ संविधान ल्याउनुपर्ने प्रस्ताव ल्याएका हुन् ।

‘बहुसंख्यक जनताको अधिकार र हित सुनिश्चित गर्न वर्तमान संविधानको विकल्पमा सम्पूर्ण समुदायको सहभागितामा जनमत संग्रहद्वारा नयाँ जनसंविधान निर्माण गर्नु अहिलेको आवश्यकता हो ।’ विप्लवले जारीगरेको विज्ञप्तिमा उल्लेख छ ।