काठमाडौं । नयाँ पार्टीको मान्यता पाएका १४ जना संघीय सांसद र २ जना प्रदेश सांसदको पदमुक्तिको कारबाही सदर गर्न माग गर्दै दायर रिटको सुनुवाई हेर्दाहेर्दैमा रहेको छ ।

एमाले अध्यक्ष केपी शर्मा ओलीले एमालेबाट कारबाही गरिएका १४ प्रतिनिधिसभा सदस्य र २ जना लुम्बिनी प्रदेश सदस्यलाई पदमुक्त गर्न माग गर्दै सर्वोच्चमा रिट दायर गरेका थिए ।

न्यायाधीश दीपक कार्की र कुमार चुँडालको संयुक्त इजलासमा बहस नसकिएपछि रिट हेर्दाहेर्दैमा रहेको हो । यो मुद्दामाथिको सुनुवाइ मंगलबार पनि जारी रहनेछ ।

ती सांसदहरुलाई निर्वाचन आयोगले नेकपा एमालेबाट विभाजित भई नेकपा एकीकृत समाजवादीको मान्यता दिइसकेको छ । एमालेले भने सोही विषयलाई लिएर प्रतिनिधिसभाको बैठकसमेत अवरोध गर्दै आएको छ ।