काठमाडौँ । नेपाली कांग्रेस काठमाडौँ जिल्लाको वडा अधिवेशन सुरु भएको छ । संघीय राजधानी, सबैभन्दा धेरै निर्वाचन क्षेत्र र क्रियाशील सदस्यता रहेको काठमाडौँको वडा अधिवेशन सुरु भएको हो ।

कांग्रेस काठमाडौं जिल्ला समितिको बैठकले असोज ५ गते वडा अधिवेशन गर्ने निर्णय गरेको थियो । पार्टीको केन्द्रीय निर्वाचन समितिले क्रियाशील सदस्यता टुंगो लगाएर जिल्ला कमिटीलाई पठाएको थियो । काठमाडौँमा १० निर्वाचन क्षेत्र र २० प्रदेश निर्वाचन क्षेत्र र १० संघीय निर्वाचन क्षेत्र छन् ।

यस्तै काठमाडौँमा ११ स्थानीय तह छन् भने १३८ वडा छन् । काठमाडौँमा कांग्रेसका ३० हजारभन्दा बढी क्रियाशील सदस्यता रहेको बताइएको छ । आज काठमाडौँसहित सात जिल्लाको अधिवेशन हुँदैछ । १३ जिल्लामा क्रियाशील सदस्यताको विवाद नटुङ्गिएकाले अझै अधिवेशन हुन सकेको छैन ।