काठमाडौँ । नेकपा (एकीकृत समाजवादी)को केन्द्रीय कमिटी बैठकमा अध्यक्ष माधव नेपालले तीन महिने कार्ययोजना सहितको राजनीतिक प्रतिवेदन पेश गरेका छन् । एमालेसाग पार्टी विभाजन पछि पहिलो पटक काठमाडौंको वुद्दनगरस्थित क्वालिटी ब्याङकेटमा बसेको एकीकृत समाजवादीको पहिलो बैठकमा अध्यष नेपालले आफनो राजनीतिक प्रतिवेदन पेश गरेका हुन् ।

अध्यक्ष बाहेक अन्य पदाधिकारी चयन गरिनसकेको यो पार्टी वैठकको अध्यक्षता स्वंम माधव नेपालले गरेका थिए भने सञ्चालन कार्यलय सचिव समेत रहेका नेता गंगालाल तुलाधरले गरेका थिए ।
वैठकमा नेपालले पार्टीको संगठन सुढीढीकरणको योजना देखि पार्टी संगठन परिचालन सम्माका विषय समेटेर प्रतिवेदन पेश गरेका छन् । ७ ओटा कार्यसूचि सहित शुरु बैठकमा थप भएका केन्द्रीय सदस्यहरुको सपथ ग्रहण समेत अध्यक्ष नेपालले गराएका थिए ।

नेपालले राजनीतिक प्रतिवेदन पेश गरेपछि केन्द्रीय समितिलाई ५ ओटा समुहमा विभाजन गरि समुह छलफल शुरु गरिएको छ । समुहमा हुने छलफल पछि भोलि नै समुहबाट आएका सुझाव राख्ने र निश्कर्ष निकाल्ने तयारी रहेको प्रचार विभाग प्रमुख समेत रहेका नेता जगन्नाथ खतिवडाले बताए ।

राजनीतिक प्रतिवेदन सार्वजनिक गर्ने, समसामयिक प्रस्ताव पारित गर्ने, केन्द्रीय कमिटी विस्तार गर्ने र कार्य विभाजन गर्नेसम्बन्धि एजेण्डा नकेपा एसको बैठकमा छ । बैठकमा पार्टी गतिविधिको समीक्षा, पार्टी विस्तार, चुनाव चिन्हलगायतबारे छलफल हुने छ ।

नेकपा एसले भूगोलका ७७ र गैह भौगोलिक ४ ओटा गरी ८१ ओटा जिल्ला संगठन, भूगोलका ७ र उपत्यकाको छुट्टै गरी आठ प्रदेशको संगठनात्मक संरचना निर्माण गर्ने गरी विधान बनाएको छ ।