काठमाडौं । सरकारले राजनीतिक नियुक्ति पाएका सबै राजदूतलाई फिर्ता बोलाएको छ ।

मंगलबार बसेको मन्त्रिपरिषद बैठकले राजनीतिक नियुक्ति गरिएका सबै राजदूतलाई फिर्ता बोलाउने निर्णय गरेको कानुनमन्त्री ज्ञानेन्द्रबहादुर कार्कीले जानकारी दिए ।

मन्त्रिपरिषदको बैठकले राजनीति तवरबाट नियुक्ति भएका सबै राजदूतहरूलाई फिर्ता बोलाउने निर्णय भएको मन्त्री कार्कीले जानकारी दिए ।

सरकारको निर्णयसँगै अमेरिकाका लागि नेपाली राजदूत युवराज खतिवडालगायत अन्य देशमा नियुक्त भएका राजदूतहरु फिर्ता हुनेछन् ।

राजनीतिक नियुक्ती पाएका राजदूतहरु फिर्ता बोलाउने मन्त्रिपरिषद्को निर्णयसँगै १० देशका राजदूत फिर्ता हुनेछन् ।

यो निर्णयसँगै अमेरिकाका युवराज खतिवडा, चीनका महेन्द्रबहादुर पाण्डे, भारतका निलम्बर आचार्यसहित १० देशका राजदूत फिर्ता हुने भएका हुन् ।

यस्तै, बंगलादेशका लागि डा. वंशीधर मिश्र, कतारका लागि नारदमुनि भारद्धाज, इजरायलका लागि अञ्जान शाक्य, मलेसियाका लागि उदयराज पाण्डे, स्पेनको दावाफूटी शेर्पा, दक्षिण अफ्रिकाका डा. निर्मलकुमार विश्वकर्मा र बेलायतका राजदूतमा लोकदर्शन रेग्मीले नियुक्ती पाएका थिए ।