काठमाडौं । कोरोना संक्रमणका कारण छायाँमा परेको इन्द्रजात्रा सकिएको छ ।

शुक्रबार इन्द्रध्वज पतन गरेपछि दुई हप्ताभन्दा लामो इन्द्रजात्रा सकिएको हो ।

काठमाडौं उपत्यकाकै प्रमुख जात्रा मानिने इन्द्रजात्राको अन्तिम दिन इन्द्रको विधिपूर्वक पूजा गरिएको थियो । जात्राको अन्तिम दिन महिलाले मात्र रथ तानेका थिए ।

हनुमानढोका दरबार अगाडि लिङ्गो ठड्याएपछि शुरु भएको इन्द्रजात्राको छैटौं दिन महिलाहरुका लागि विशेष मानिन्छ ।

जात्रा नसकिँदासम्म हरेक दिन बेलुकी श्वेत भैरवको प्रसाद स्वरुप खुवाइने प्रचलन छ । श्वेत भैरवको प्रसाद ग्रहण गर्न महिलाहरुको ठूलै भीड लाग्ने गर्दछ ।