काठमाडौँ । कपनको मिलनचोकस्थित ढलबाट बेपत्ता भएका बालकको शव ललितपुरको महाँकाल गाउँपालिकास्थित बागमती नदी किनारमा भेटिएको छ । १० वर्षीय बालक उज्ज्वल विश्वकर्मा गत सोमबार ढलमा खसेर बेपत्ता भएका थिए ।

साँझ हजुरबुबासँग घर जाँदै गर्दा हराएका बालकको शव ललितपुरमा भेटिएको महानगरीय प्रहरी परिसर ललितपुरले जनाएको छ । स्थानीयले शव देखेपछि प्रहरीलाई खबर गरेका थिए ।

प्रहरीका अनुसार बालकको शव लतितपुर र मकवानपुरको सीमाना भई बग्ने बागमती किनारमा फेला परेको हो । शनिबार साँझ शव फेला परे पनि आज मात्रै पहिचान भएको हो ।