काठमाडौं । गैर आवसीय नेपाली संघ (एनआरएनए) महिला तथा युवा विभाग संयोजक (अध्यक्ष उम्मेदवारकी प्रत्यासी) रविना थापाले आदर्श महिला विकास केन्द्र चितवनलाई करिब साढे चार लाख बराबरको रकम हस्तान्तरण गरेकी छिन् ।

महासचिवका पत्यासी विनय अधिकारी लगायतको उपस्थितमा संयोजक थापाले बालिका र महिला सशक्तिकरण विषयमा कार्यक्रम सञ्चालन गर्न आर्दश महिला विकास केन्द्रकी मिना शर्मालाई मंगलबार चार लाख १५ हजार ७ सय रकम हस्तान्तरण गरेकी हुन् ।

ओशिनिया एनआरएनए परियोजना संयोजक जानकी पौडेल र केन्द्रकी मिना शर्माबिच यसअघि नै उक्त परियोजना सञ्चालनका गर्ने विषयमा सम्झौता भएको थियो । सोही सम्झौता बमोजिम उक्त रकम पौडेल संकलन गरेर पठाएको रकम हस्तान्तरण गरिएको हो ।

उक्त परियोजना अन्तगर्त स्कुलका विद्यार्थीलाई साइबर अपराधसम्बन्धी प्रशिक्षण दिने, घरेलु हिंसा र मानसिक स्वास्थ्य जागरूकता,विदेशी आप्रवासी कामदारहरुको लागी महिलाहरुलाई अभिमुखीकरण आदिमा का गर्नुपर्ने छ ।