काठमाडौँ । भारतबाट लुकाएर नेपाल ल्याउँदै गरेको स्रोत नखुलेको १५ लाख ५० हजार रुपैयाँसहित तीन जनालाई शुक्रबार पर्सा प्रहरीले पक्राउ गरेको छ । पक्राउ पर्नेमा भारतको पूर्वी चम्पारण वसन्तपुर निवासी २५ वर्षीय विक्रम पटेल, भारतकै मोतिहारी निवासी २९ वर्षीय मुकेश पटेल र पर्साको धोबिनी गाउँपालिका ३ निवासी २३ वर्षीय बलिराम पटेल रहेका छन् ।

विशेष सूचनाका आधारमा जिल्ला प्रहरी कार्यालयबाट खटिएको प्रहरीले पर्साको छपकैया सिर्सिया नाकाबाट तीन मोटरसाइकलमा सवार उनीहरूलाई पक्राउ गरेको हो । पक्राउ परेकालाई बैंक तथा वित्तीय ऐनसम्बन्धी कसुरअन्तर्गत कारवाही गरिने प्रहरीले जनाएको छ ।

उनीहरु हुण्डी कारोबारमा संलग्न व्यक्ति रहेको प्रहरीको अनुमान छ । साथै उनीहरू सवार ना ६० प ५९९८, ना ४१ प १०४८ र ना ६४ प ८३५९ नम्बरका तीन मोटरसाइकल प्रहरीले नियन्त्रणमा लिएको थियो ।

३० माओवादी विद्यार्थी संगठनको सम्मेलन आज पनि । सकिनुपर्ने आज । तर नेतृत्वमा अझै को हुन्छ अन्यौल । मुख्य चार प्रतिस्पर्धी उपाध्यक्षहरु पञ्चासिहं, सुरेन्द्र बस्नेत तिलक भण्डारी र महासचिव उत्तम अधिकारी । प्रचण्डले सर्वसम्मत चयन गर्ने भनेकोले अझै को हुन्छ भन्ने आकाक्षी नेतालाई नै पत्तो छैन ।