काठमाडौं । लोकतानित्रक समाजवादी पार्टीका नेता रहेका राजकुमार लेखीले एमाले प्रवेश गरेका छन् । एमालेको ललितपुर गोदावरीमा चलिरहेको विधान महाधिवेशनमा अहिले अध्यक्ष ओलीको हातबाट टीका लगाएर उनले एमाले प्रवेश गरेको महाधिवेशन स्थलमा रिपोर्टिङमा रहेका मेरोन्युजकर्मीले जनाएका छन् । लेखीसहित ५५ जना एमाले प्रवेश गरेका हुन् ।

लेखीले पहिलो संविधानसभा विघटनपछि एमाले छाडेका थिए । एमाले छाडेपछि उनले आफ्नो नेतृत्वमा नेपाल नागरिक पार्टी खोलेका थिए । उक्त पार्टीपछि राजेन्द्र महतोको सद्‍भावना पार्टीमा एकीकृत भएको थियो ।

लेखीले बिहीबार मात्रै नयाँ राजनीतिक यात्रा थाल्ने भन्दै लोकतान्त्रिक समाजवादी पार्टी छाडेका थिए ।